月光華華，燒火煮茶。
茶壹杯，酒壹杯，
嘀嘀打打討新婦。
討嘅新婦矮墩墩，
蒸嘅飯子香噴噴；
討嘅新婦高婻婻，
揩擔谷子好清閑；
討嘅新婦笑嘻嘻，
三餐唔食肚唔饑；
討嘅新婦嘴嘟嘟，
歡喜食甜也食苦。
食得苦，唔怕苦。
唔怕苦，脫得苦。
脫得苦，有福享。
有福享，要回想。
（二）
月光華華，細妹煮茶；
阿哥兜凳，人客食茶。
滿姑洗身，跌掉手巾；
麽人撿到，細嫂撿到。
要還涯也不還涯？不還涯，
大哥轉來會打，細哥轉來會罵。
毋使打，毋使罵，
十七十八要行嫁。
嫁到奈，嫁到禾塘背。
（三）
月光華華，揩水煮茶；
煮茶唔倒，打死滿嫂。
滿嫂喊嫁，嫁畀鄰舍；
鄰舍食藥，嫁畀瓠勺。
瓠勺舀酒，嫁畀糟簍；
糟簍掙糟，嫁畀剪刀。
剪刀落地，嫁畀皇帝；
皇帝上天，嫁畀神仙。
神仙有油，嫁畀黃牛；
黃牛倒草，嫁畀大嫂。
大嫂命歪，嫁畀老太，
老太命短，嫁畀竹管。
竹管漏風，嫁畀雷公；
雷公吹錫角，
打爆伲嘅頭囊殼。羞羞羞
羞，羞，羞，
貓裏打胡鰍。
胡鰍鉆落泥，
阿公揩黃泥。
揩到坳裏圩，
撚歡爛蓑衣。
揩到大窿前，
同人打兩拳。
揩到山豬坳，
食碗山豬尿