潮汕兒歌童謠壹
兄今有心妹有心
兄今有心妹有心，
有心唔怕水路深，
山高也有人開路，
水深也有劃船人。
潮汕兒歌童謠二
情願綴兄去漂流
東風透來打滴丟，
糜飯買食頭買梳，
十二精神綴兄去，
情願綴兄去漂流。
潮汕兒歌童謠三
想到死來也想伊
目汁雙生掛念郎，
想來想去到天光，
燒茶愈食喉愈渴，
心內愈想夜愈長。
舊年前日已想伊，
想來想去病相思，
想來想去唔到手，
想到死來也想伊。
潮汕兒歌童謠四
不是姻緣不配君
竈前點火竈後燒，
不是姻緣不配娘，
日來有食同甘苦，
夜間無被蓋圍腰。
竈前點火竈後熏，
不是姻緣不配君，
日來有食同甘苦，
夜間無被蓋腰裙。