壹個偉大的藝術家只有死後才會受到世人的尊重,而我比那些偉大的藝術家還要偉大,因為我死後也不會受到尊重.(1989娛樂圈血肉史)
幸福家庭
細個o個陣，學校有個科目唔知叫做社會定健教，裏面就有幅圖畫，話爸爸會送妳番學，跟住爸爸又會接妳放學，好鬼溫馨gar。
後來我睇真D幅圖畫，送番學同接放學o個個人都唔同樣既。
根本就系兩個人，兩個爸爸！
老豆
我壹向以為老豆，系option黎既，附加gar咋。
無錯，大部份人系有老豆既，就正等如大部份既車系有收音機壹樣。
但系o個樣系option黎之o麻，唔系架架車都有。
所以我細個o個陣好憎o的o靚仔成日o系我面前話：
「我老豆點點點......」
我覺得o個D人好曬命，就好似妳有部車，不停咁同人講：
「我部車開蓬gar，大包圍gar！」
妳不如話：
「我老豆開蓬gar，用無鉛汽油gar......」
打架
我唔同人打架既。
真系，我咁大個人，從來冇同人打過架。
因為我不嬲覺得，如果妳同人打架，o個個人壹睇落去就好打過妳，咁無理由咁笨。
咁如果o個個人睇落去已經唔夠妳打，而佢都要同妳打，咁佢梗系有秘密武器啦。
改名
改名，只系D父母系將自己既主觀意願套系D仔女身上。
所以大部份女仔唔系叫美乜就系麗乜，男仔唔系叫阿堅，就系阿強，壹唔系就系叫阿祥。
咁我地系咪好美麗，好堅好強好長呢？
文明
我壹向覺得，人類既歷史上最偉大既三大發現分別系：
第壹：牛頓發現地心吸力。
第二：愛恩斯坦發現相對論。
第三：就系唔知邊本雜誌發現自瀆對人體冇害。
排名不分先後。
狗
各位，如果妳有養狗，妳不妨細心觀察壹下。
無論妳只狗有幾開心，o系開心既背後，佢永遠有壹層更深既哀愁。
o個份哀愁，就系來自當妳放工番到屋企既時候，佢唔能夠同妳講：
「唔好換衫，出街食飯，我請！」
新鮮
依家D人溝女，對條女最大既要求系乜呀？
唔駛靚，最緊要，系夠新鮮！
乜野叫做夠新鮮呀？
就系話，溝左壹年果個，就唔夠溝左半年果個咁正。
因為半年果個新相識，新鮮D。
同樣，溝左半年果個，就唔夠三個月咁正。
溝左壹個月就唔夠半個月果個咁正。
溝左壹日就唔夠半日果個咁正，如此類推，終於...
溝左果件，就唔夠未溝果件咁正！
咁即系點呢？
仲溝唔溝好呢？壹溝就唔正la！
狗仔改名
妳有冇留意好多叫做lucky既狗，佢既主人，多數都系D唔多lucky既人。
D主人就系覺得自己太黴la，先叫只狗做lucky。
我又識個導演，好耐冇戲拍，於是就養左只狗，幫佢改個名做action！
佢日日o系屋企對住只狗嗌：action！action！
真系睇到都心酸。
聽講彭定康都系買多左只狗，改左個名叫「魯平」。
「魯平，sit！魯平，羅份報紙俾我！哈哈哈...」
我都買左壹只狗。
我諗左好耐幫佢改個乜野名。
我唔想好似D人咁黐線，改只狗既名叫乜野lucky action 魯平呀咁！
我覺得，我養只狗，無非就系想佢陪下我，我叫佢既時候，佢就埋黎乃下我咁。
所以我幫佢改左個名，叫做「乃下我啦」！
我叫「乃下我啦」，佢就埋黎乃我，幾直接呢！
性教育
有關性教育，父母唔識教，示範識唔識？
佢地識，但系冇機會示範，因為每晚壹到示範時間，爸爸就會話：
九點la子華，仲唔去訓？
九點就叫我去訓？妳估我系農夫呀？
可能佢地其實唔介意示範，不過唔知道我有咁既需要？唔知？
我日日睇姊妹雜誌，真系為左睇時裝呀？
唔知！根本大家心知肚明，不過詐作不知。
既然大家都咁虛偽，咁以後咪當屋企系社交圈子，大家客客氣氣咪算羅。
－－爸爸，家母問妳今當晚番唔番黎食餐便飯喎？
－－阿媽，妳先生話家常便飯唔好打攪妳喎。
－－阿細妹，令尊叫妳落街買份報紙，點解唔叫我？
我系令兄，信唔信令兄摑令壽堂個千金呀？
環保
如果我地都認為環保系遙遠既野，何況系果Do系饑餓同埋戰亂中既人？
妳都唔好意思啦，人地輪緊紅十字會派飯，妳仲同人講：
「唔好搵膠袋裝飯呀，唔環保呀。」
人地打緊仗，搵車逃亡，妳就同人講：
「點解妳唔用無鉛汽油呀？」
大款
大陸D富豪流行食金，飲金酒，食金。
對大陸人黎講，香港最好既餐館系周生生或者謝瑞麟！
「唔好講咁多，肚餓呀，整兩只龍鳳呃黎o趙住先！」
迷惘
o系公司，老板會同我講：
「妳番黎唔系訓就系去廁所，妳當呢度系屋企呀，呢度系公司呀。」
我番到屋企，阿媽又會話：
「妳仲當呢到系妳屋企咩，妳番黎唔系霸住個廁所就系剩系識得訓！」
「咁...咁我番屋企又唔訓覺又唔去廁所，番公司又唔去廁所唔訓，咁我呢D野去邊到做呀？」
不過後黎我諗過自己又系過份D既，於是我就痛改前非，以後番屋企我就剩系訓覺，番公司就剩系去廁所。
愛情
白雪公主，幾咁純潔無瑕。
但系諗真D，白雪公主，識得o個個系王子，灰姑娘識o個個又系王子，有個有特殊嗜好，鐘意錫青蛙既女人錫左只青蛙壹啖，只青蛙變出黎既又系王子！
有冇人諗過根本個王子系同壹個人呢？
根本呢個王子都不知幾花心，周圍溝女。
仲無良到扮青蛙去溝添！
紅館
依家做歌星，好犀利，因為有紅磡體育館。
因為呢樣野，做歌星，可以o系壹晚，就賺曬妳地朝九晚五壹世人都搵唔到既錢！
D人話，我真系唔明張國榮點解要退休，佢壹晚已經搵左妳壹世搵既野，佢壹晚已經做左妳壹世人要做既野，仲有乜野可以做？
唔退休做乜？
做五場。已經輪回五次！
做三十場，輪回三十次，如來佛祖都話：駛唔駛？
D人話，唔系既，佢唔舍得退休既！佢最後o個場演唱會，佢自己都喊。
佢系喊，不過唔系為自己喊，系為左妳地喊呀：
「我就退休la，我聽日就唔駛Do o勒。妳地聽日仲要番九點，唔好遲到呀！」
失戀
失戀系會令人成長既。
我失戀之前，壹向都覺得世界上所有問題都有答案。
點解我地每日都要8點鐘起身返工呀？
因為夠鐘羅。
點解我地有夠鐘呢樣野呀？
因為我地唔用浮動上班時間羅。
點解呢個世界有戰爭？
因為我地有武器羅。
咁點解我地要有武器呀？
因為佢地有武器羅。
壹切都有答案，直到我失戀。
阿珍，點解妳唔愛我？
阿珍比左壹個經典既答覆我，佢話：
愛情系冇點解gar，系唔可以解釋gar，唔好問啦。
如果番學阿sir問我野都可以咁答就好o勒！
黃子華，物體燃燒點解需要氧氣呀？
阿sir，系冇點解gar，系唔可以解釋gar，唔好問啦！
天人合壹
有D朋友覺得我間屋太細，呢個系角度既問題啦。
即系譬如我依家o系個廳度，我就會當個廚房同廁所都系個廳既壹部份。
試問在座有邊位個廳有抽油煙機又有馬桶呀？
又譬如我坐廁所，我又會當個廳個睡房都系廁所既壹部份。
嘩，壹個有廳有廚房既廁所，去邊度搵呀？
我間屋直情令我明白，何謂天人合壹：
壹部份等如全部，全部等如壹部份！
香港文化大革命
1976年，文化大革命o系大陸告壹段落。
呢個時候，香港既文化大革命就開始la。
o系果壹年，香港人將「識個女朋友」呢個講法，正式改為「溝壹條女」。
初時，呢個革命遭受到好多既阻力。
第壹個最反動既勢力，當然就系教育界啦。
我仲記得當時我有個同學，o系壹個教中文既老師面前講左句：
「我想溝o個條女。」
個老師就捉住佢訓話：
「女仔，系壹個個既，唔系壹條條，番去罰抄『壹個女仔』壹千次。」
個同學話：「睬妳都傻。」
老師就話：「妳駁咀？妳條死仔駁老師咀？」
醫學界亦覺得無所適從，佢地認為：
「如果有壹條女黎醫院，咁究竟應該俾佢睇病呀？定系研究佢呢？
因為壹條既女仔，系好罕有既。」
辯論得最激烈既，當然系法律界啦：
如果壹個人立遺囑，話將D家產俾曬佢條女。
咁佢條女究竟系佢個女呀？定系佢女朋友呢？
又或者呢個人直情將佢自己個女叫做佢條女，
佢算唔算犯左亂倫罪呢？」
邏輯學上黎講，如果妳叫得壹個女仔做壹條女，基本上妳唔當個女仔系人，妳當佢系壹樣死物。
咁發展落去，妳會叫妳阿媽做壹件老母，妳爸爸做壹餅老豆，妳D兄弟姊妹做壹揪細佬妹。
呢個革命發展落去，越黎越波濤壯闊。
我地以前o系男女關系裏面常用既字眼，通通被壹D通常唔會用o系人身上既字眼黎代替。
譬如話：
識女仔就系溝條女啦；
鐘意佢就系o答佢；
錫佢就叫做咀佢；
拖下佢就叫做渣佢；
同佢親熱就叫做撲佢！
問世間，情是何物？
答案系：溝、o答、咀、渣、撲！
死亡
細個嗰陣,我系唔怕死嘅.
我覺得,系以前o的人先會死o既.
系歷史書裏面o既人至會死.
好多人唔明歷史有嘜用,歷史o米話妳聽邊o的人死o左羅.
我從來未睇過壹本歷史書有提到黃子華呢個名,我點會死呀.
最緊要系,就算死都唔系嘜o野壹回事.
細個o個陣隔離陳師奶成日叫佢老公:
[咁多人去死妳仲唔去死?]
然後去完番o黎,阿陳師奶又會話:
[死番o黎勒,唔死多陣添?]
所以我壹路都認為,去死,即系去街,同埋壹定唔會去好遠.
因為阿陳生每次都好快就返黎o既.
十八歲
點解十八歲先至系合法年齡呢?
因為到o左十八歲,系法律上我地就要對自己負責任
多余,唔通十八歲之前,我地就唔洗對自己負責o羊?
唔通十八歲之前,我就可以隨時撲出馬路:
“我唔信呀,我17歲半o乍,妳敢撞死我?”
唔通十八歲之, 前我o系油麻地踩完個紋身佬壹腳, 個紋身佬會話：
“死o靚仔,妳未夠十八歲,我忍妳!”
唉, 十八歲既最大好處, 就系妳到o左壹個合法既做愛年齡.
我想請問,有邊個做愛系因為合法先做o架.
我以為大部份人做愛系為o左快感同高潮?
抑或妳想話我聽,十八歲之前做愛系冇高潮o既.
十八歲之前做愛系白做既!
o甘樣十八歲就具有特別意義o勒!